Ике башлы Каракош
Патша булган елларда,
Бөтен кеше аңардан
Дер калтырап торганда,
Яшәгән, ди, бер бабай —
Шундый оста бакчачы,
Бакчасына шаккаткан
Яше-карты — барчасы.
Ике башлы Каракош
Патша булган елларда,
Бөтен кеше аңардан
Дер калтырап торганда,
Яшәгән, ди, бер бабай —
Шундый оста бакчачы,
Бакчасына шаккаткан
Яше-карты — барчасы.
Дәү әти
Әхмәт бабай керде дә:
-Әй кызым-ди- Нурдидә.
Гомәр бабаң өйдәме?
Әллә берәр җирдәме?
Ә Нурдидә:-Белмим-ди-
Бабам юк шул минем,— ди,-
Бабай бит ул карт була,
Чәче кардай ак була,
Булса була өч теше,
Үзе була чит кеше.
Әхмәт бабай көлде дә:
-Алайса,— ди,— Нурдидә,
Әтиеңнең әтисе?..
-Әтиемнең әтисе?..
Ул дәү әти бит инде,
Шуны белми, кит инде!
Йокысы тора кояш
Елмаеп-көлеп кенә.
Болыт арасына да ул
Елмаеп килеп керә.
Уятканда да уята
Нурларын сибеп кенә
Һәм үстерә әни кебек
Иркәләп, сөеп кенә.
Шушы кояштай, тормышның
Кадерен белеп кенә
Яшәсен иде бар кеше
Елмаеп-көлеп кенә.
Бәйрәм
Бүген мин йокыдан
Таң белән уяндым.
«Беренче тордым!» дип,
Әй шундый куандым.
Шаулама
“Һау-һау! Һау-һау!
Һау-һау!”-дисең,
Һаман нигә һаулыйсың?
Җитте, Һау-һау, һаулама,
Китап укыйм-шаулама!